തലയ്ക്കല് നിലവിളക്ക് കത്തിച്ചു തെക്കുവടക്ക്
നിരത്തി കിടത്തിയ അവരെ കണ്ടപ്പോള്
ചുട്ട കശുവണ്ടി തൊണ്ട് തല്ലി പൊട്ടിച്ചു
'കരിഞ്ഞതാണ് നീ തിന്നണ്ടാ'എന്ന് പറഞ്ഞു
വായിലേക്കിടാന് ഇനി ചേച്ചി പെണ്ണില്ലല്ലോ
എന്നായിരുന്നു മനസ്സില്;
കല്ല് ഉള്ളില് വച്ച് ഓലപ്പന്തുണ്ടാക്കി
ഏറുപന്ത് കളിയ്ക്കാന് ഇനി അപ്പുപ്പനില്ലല്ലോ എന്നും.
കുഞ്ഞു ദുഖിച്ചു കൊണ്ടേ ഇരുന്നു..
1 comment:
പൊട്ടിച്ചിതറിയ മനസ്സിന്റെ തെറിച്ചു വീണ ഒരു കഷണത്തില് നിന്നൊരു മുറിവ് ..
Post a Comment