പെണ്ണിനെല്ലാം അറിയാമാരുന്നു,അമ്മ
പെണ്പള്ളിക്കൂടതിലല്ലേ പഠിച്ചത്,
നെഞ്ചിലെ തുടിപ്പുകള് തഴയ്ക്കുന്നത് കണ്ടിട്ടും
കണ്ണൊന്നു ചിമ്മി പോയതിന്റെ പരിഭവം.
അഴുക്കു പുരണ്ട തുണികള് വാരി
അലക്കാന് കൊണ്ടുപോകുമ്പോള്
കുസൃതി കണ്ണോടെ ജാനുയേച്ചി.
വീട്ടാരും നാട്ടാരും ,
അവിടന്നും ഇവിടുന്നും -
തീണ്ടാരി ക്കല്യാണം ,നാലുകുളി-
നെയ്മണതോടൊപ്പം .
ജനലഴികളില് കൂടി ചെക്കന്മാരുടെ കളി,
വീണ്ടും വീണ്ടും കാണാന് തോന്നുന്നു
പ്രായമായ പെണ്ണ് ഉറക്കെ പാടിക്കൂടാ
വിലക്കുകളുടെ പ്രവാഹങ്ങള് .
വണ്ടികളുടെ ഇരമ്പലില് ,
വെറുതെ പറയുന്ന മനസ്സ് അലിഞ്ഞു തീര്ന്നു.
എഴുതിയിട്ടും തീരാത്ത ചോദ്യോത്തരങ്ങള്
വായിച്ചു തരുന്നതിനിടെ അവന് മടിയോടെ;
നിനക്ക് ഇപ്പോള് കാപ്പി പൂവിന്റെ മണമാണെന്ന് ..!
1 comment:
പെണ്ണ് പ്രായമാകുമ്പോള് വിലക്കുകള് തുടങ്ങും ,ഈര്ഷ്യയോടെ ഉള്ള അനുസരണയും :)
Post a Comment