എനിക്ക് സ്വന്തം
ഞാനത് ചുമന്ന പേപ്പറില്‍,
കറുത്ത അക്ഷരത്തില്‍
എഴുതിയിരുന്നു.
ഒരു മെഴുകുതിരിവെട്ടത്തില്‍ ,
നിഴലുകള്‍ ചലിക്കുന്നത്‌,
ഉരുകിഇറങ്ങുന്ന മെഴുകു ചാലുകള്‍,
വരികള്‍ എന്‍റെ ചുണ്ടുകള്‍,
പറഞ്ഞു കൊണ്ടേ ഇരുന്നു.
വ്യക്തമായിരുന്നു,
കണ്പോളകള്‍ തുറക്കുന്നിടം വരെ .
കണ്ണുകള്‍ തുറന്നു കഴിഞ്ഞാല്‍ ,
എനിക്കെന്റെ സ്വപ്നങ്ങള് -
വായിക്കുവാന്‍ കഴിഞ്ഞിരുന്നില്ല
എഴുതപ്പെട്ട കടലാസും
മെഴുകുതിരിയും നിഴലും
ഒന്നും കാഴ്ചയിലില്ല
തുറന്ന പുസ്തകതാളില്‍
കുറെ വികൃതാക്ഷരങ്ങള്‍ മാത്രം
No comments:
Post a Comment